არის შემთხვევები, როცა, უბრალოდ, ხელმისაწვდომი ვარიანტების დათვალიერება გსურთ, ზოგჯერ კი ზუსტად იცით, რა გჭირდებათ. როგორც არ უნდა იყოს, საძიებო ფილტრები საგრძნობლად გაგიმარტივებთ სათქვენო საცხოვრებლის, შთაბეჭდილების ან მომსახურების პოვნას.
დაიწყეთ ძიება შემდეგი ინფორმაციის მითითებით:
თვიურად შემოთავაზებული საცხოვრებლების საპოვნელად ამიერიდან უფრო მარტივი და მოქნილი ხელსაწყო გაქვთ. დაწკაპუნებით ან შეხებით აირჩიეთ თვიურად, სტუმრობის ხანგრძლივობა რომ მიუთითოთ, შემდეგ კი ჩაასწორეთ დაწყებისა და დასრულების თარიღები. ხელმისაწვდომი საცხოვრებლების უფრო მეტი ვარიანტი რომ იპოვოთ, სტუმრობის დაწყებისა და დასრულების თარიღებთან ±14 დღეც კი შეგიძლიათ მიუთითოთ.
ფილტრების სექციაში წარმოდგენილი სხვადასხვა საძიებო ფილტრი დაგეხმარებათ ძიების შედეგების გაცხრილვასა და სათქვენო საცხოვრებლის პოვნაში.
„ფილტრების“ არჩევისას, შესაძლოა, იხილოთ საგანგებოდ თქვენთვის რეკომენდებულ ფილტრთა მწკრივი. რეკომენდაციები ეფუძნება როგორც თქვენ მიერ ადრე გამოყენებულ, ისე იმ ფილტრებს, რომლებიც სხვა სტუმრებს გამოადგათ მსგავსი ვარიანტების ძიებისას.
საცხოვრებლის ტიპი: თქვენი გემოვნებით აირჩიეთ ოთახები, საცხოვრებლები მთლიანად და სხვა ვარიანტები.
ფასების დიაპაზონი: იპოვეთ საცხოვრებელი ფასთა თქვენთვის მისაღებ დიაპაზონში — გაფილტრეთ ძიების შედეგები ჯამური ფასის მიხედვით (ოფიციალური მოსაკრებლების ჩათვლით).
ოთახები და საწოლები: მიუთითეთ საძინებლების, სააბაზანოებისა და საწოლების თქვენთვის ან თქვენი ჯგუფისთვის საჭირო რაოდენობა.
საყოფაცხოვრებო პირობები: აუცილებლად გჭირდებათ სამზარეულო, ტელევიზორი ან უფასო საპარკინგე ადგილი? მონიშნეთ ყველაფერი, რაც თქვენს სტუმრობას კომფორტს შესძენს.
დაჯავშნის ვარიანტები: აირჩიეთ თქვენთვის სასურველი ვარიანტები — მაგალითად, მომენტალური დაჯავშნა, დამოუკიდებელი დაბინავება, უფასო გაუქმება და სხვა.
გამორჩეული საცხოვრებლები:
ობიექტის ტიპი: მოიძიეთ სახლები, სასტუმროები, ბინები და სხვა ვარიანტები.
ადაპტირებული პირობები: თუ უსაფეხურო შესასვლელი ან საშხაპეში ხელის მოსაჭიდი მილები გჭირდებათ, ამ სექციაში შეგიძლიათ აირჩიოთ პირობები, რომლებიც თქვენს კომფორტსა და უსაფრთხოებას უზრუნველყოფს.
მასპინძლის ენა: შეარჩიეთ მასპინძლები, რომლებმაც თქვენთვის ნაცნობი ენა იციან.
საკვანძო სიტყვით ძიება ამჟამად შეუძლებელია.